Региональная газета «Слуцкі край»
Завітаў «Слуцкі край» з падарункамі…
27.01.2012
Общество
З нагоды прыемнай падзеі завіталі супрацоўнікі рэдакцыі газеты «Слуцкі край» у мінулы аўторак у Слуцкі цэнтр карэкцыйна-развіваючага навучання і рэабілітацыі і аддзяленне дзённага знаходжання інвалідаў Слуцкага цэнтра сацыяльнага абслугоўвання насельніцтва: спецыялісты і выхаванцы ўстаноў – у ліку ўдзельнікаў фотаконкурсу «Слуцкая Ёлачка», адзначаных рэдакцыяй «Слуцкага краю».
Шчырыя словы падзякі выказалі работнікі газеты спецыялістам і выхаванцам за прадстаўленыя арыгінальныя работы (пазнаёміцца з імі можна на сайце выдання s-k.by). Дыпломы ад рэдакцыі і прыгожыя смачныя торты (не кулінарныя вырабы, а проста творы мастацтва!) ад адкрытага акцыянернага таварыства «Слуцкі хлебазавод» атрымалі вышэйназваныя ўстановы.
Шчырыя словы падзякі выказалі работнікі газеты спецыялістам і выхаванцам за прадстаўленыя арыгінальныя работы (пазнаёміцца з імі можна на сайце выдання s-k.by). Дыпломы ад рэдакцыі і прыгожыя смачныя торты (не кулінарныя вырабы, а проста творы мастацтва!) ад адкрытага акцыянернага таварыства «Слуцкі хлебазавод» атрымалі вышэйназваныя ўстановы.
Цікавую экскурсію правялі па аддзяленню дзённага знаходжання інвалідаў цэнтра сацыяльнага абслугоўвання насельніцтва загадчыца аддзялення Ірына Эдвардаўна Гурына і выхаванцы. Яны расказалі пра заняткі па вышыванню, бісерапляценню, іншыя справы. Наведвальнікі цэнтра паабяцалі і надалей удзельнічаць у конкурсах рэдакцыі і атрымаць перамогу.
Рэдакцыя газеты «Слуцкі край» выказвае падзяку ААТ «Слуцкі хлебазавод» (дырэктар Аляксандр Аляксандравіч Казейка) за аказаную дапамогу.
Ірына КАВАЛЕНКА.
Фота Наталлі ЖУК